ԿՈՂԲ. մշակութային ժառանգության եւ նորարարության խաչմերուկ
Կողբը Նոյեմբերյանի ամենաակտիվ բնակավայրերից է, հատկապես մշակութային առումով, եւ դա պատահական չէ: Այսօր Կողբը մշակութային ժառանգության եւ նորարարության խաչմերուկ է դարձել երիտասարդների համար, որտեղ անցյալը մերձենում է ներկայի հետ: Մշակութային միջոցառումները, ավանդական տոնակատարությունները եւ տեղական արվեստագետների աշխատանքները դարձնում են Կողբը մի վայր, որտեղ ոչ միայն պահպանվում են պատմական արժեքները, այլև զարգանում են նոր ստեղծագործական նախագծեր: Սա մի նոր միջավայր է, որտեղ խնամքով պահպանվում են նախնիների մշակութային ավանդույթները, իսկ նոր սերունդներն իրագործում են իրենց ստեղծագործական երազանքները:
Երիտասարդները՝ որպես համայնքի հենասյուներ. Սյուզաննա և Ռուզաննա Աղաբաբյան քույրերը
31-ամյա Սյուզաննա եւ Ռուզաննա Աղաբաբյան քույրերը Կողբի մշակութային կյանքի ակտիվ մասնակիցներից են: Ստեղծագործում են, աշխատում որպես սոցիալական մանկավարժներ, օգնում հայրիկին գինու գործարանի աշխատանքներում:
Քույրերը, թեեւ ունեն հենաշարժողական համակարգի խնդիրներ, սակայն դա նրանց չի խանգարել դառնալ հասարակության լիիրավ անդամ, գնալ իրենց երազանքների հետևից եւ ամենաբարդ պայմաններում իրականացնել սեփական երազանքներն ու դառնալ համայնքային կյանքի ակտիվ անդամ:
Քույրերը, թեեւ ունեն հենաշարժողական համակարգի խնդիրներ, սակայն դա նրանց չի խանգարել դառնալ հասարակության լիիրավ անդամ, գնալ իրենց երազանքների հետևից եւ ամենաբարդ պայմաններում իրականացնել սեփական երազանքներն ու դառնալ համայնքային կյանքի ակտիվ անդամ:
Միեւնույն ժամանակ, քույրերը փորձում են բարձրաձայնել խնդիրների մասին, որոնց համայնքի երիտասարդները` հատկապես հաշմանդամություն ունեցող, առերեսվում են:
«Մենք տեսնում ենք, որ երիտասարդներն ունեն զբաղվածության խնդիր, կարող ենք բարձրաձայնել տեղական ինքնակառավարման մարմիններում և ավելի բարձր մակարդակներում, որպեսզի կարողանանք փոխել ոչ միայն մեր, այլ նաև այլ մարդկանց կյանքը: Յուրաքանչյուրս մեր փոքր քայլով՝ բարձրաձայնելով երիտասարդների խնդիրների ու դժվարությունների մասին, մեծ բան արած կլինենք»,- նշում է Ռուզաննա Աղաբաբյանը:
«Մենք տեսնում ենք, որ երիտասարդներն ունեն զբաղվածության խնդիր, կարող ենք բարձրաձայնել տեղական ինքնակառավարման մարմիններում և ավելի բարձր մակարդակներում, որպեսզի կարողանանք փոխել ոչ միայն մեր, այլ նաև այլ մարդկանց կյանքը: Յուրաքանչյուրս մեր փոքր քայլով՝ բարձրաձայնելով երիտասարդների խնդիրների ու դժվարությունների մասին, մեծ բան արած կլինենք»,- նշում է Ռուզաննա Աղաբաբյանը:
Կողբի եւ շրջակա համայնքների երիտասարդների զբաղվածությունը, մշակութային դաստիրակությունը, նորարար եւ մրցունակ հմտություններ սովորեցնելը իրենց համար առաջնահերթություն են դարձրել հայանքում գործող կրթական եւ մշակութային մի շարք կենտրոններ:
ԹՈՒՄՈ ՍՏԵՂԾԱՐԱՐ ՏԵԽՆՈԼՈԳԻԱՆԵՐԻ ԿԵՆՏՐՈՆ
Արման Ալեքսանյանը Նոյեմբերյանի շրջանի սահմանամերձ Ոսկեվան գյուղից է: Նկարիչ և 3D մոդելավորման մասնագետ է: Կողբում Թումոյի բացումից հետո տեղափոխվել է այնտեղ և աշխատանքի անցել կենտրոնում:
«Թումոյում աշխատում եմ 12-18 տարեկան պատանիների հետ: Իմ աշխատանքի ամենահետաքրքիր մասը երեխաներին ուսուցանելն է, նրանց հետ միասին զարգանալն ու նրանց մասնագիտական աճին նպաստելը:
Կողբն ինձ համար առանձնահատուկ է Թումո կենտրոնի գործունեությամբ, այստեղի բնությամբ և գեղարվեստի դպրոցով: Դրանք օգնում են երիտասարդներին մոտենալ արվեստին և զարգացնել իրենց ստեղծագործական կարողությունները»,- նշում է Արմանը:
Կողբն ինձ համար առանձնահատուկ է Թումո կենտրոնի գործունեությամբ, այստեղի բնությամբ և գեղարվեստի դպրոցով: Դրանք օգնում են երիտասարդներին մոտենալ արվեստին և զարգացնել իրենց ստեղծագործական կարողությունները»,- նշում է Արմանը:
Թումո Կողբում սովորելն անվճար է 12-18 տարեկան բոլոր ուսանողների համար։ Այստեղ նրանք հնարավորություն են ստանում ուսումնասիրել Թումոյի բոլոր 4 կրթական ուղղությունները՝ սկսած կայքերի մշակումից եւ ֆիլմերի ստեղծումից մինչև ռոբոտաշինություն եւ 3D մոդելավորում։ Բացի այդ, կենտրոնում կգործի նաև Թումո Բանակ ծրագիրը, որի շրջանակներում տեղի զորամասի ժամկետային զինծառայողները կսովորեն Թումոյի ոլորտներին առնչվող հմտություններ:
Պատանիներն իրենք են գծում իրենց կրթական ուղին: Ծրագիրը բաղկացած է ինքնուսուցման, դասընթացների և աշխատարանների փուլերից` արվեստի եւ տեխնոլոգիաների 14 ոլորտներում:
Պատանիներն իրենք են գծում իրենց կրթական ուղին: Ծրագիրը բաղկացած է ինքնուսուցման, դասընթացների և աշխատարանների փուլերից` արվեստի եւ տեխնոլոգիաների 14 ոլորտներում:
Նախատեսված է, որ Թումոյում կսովորի մոտ 1200 ուսանող Տավուշի, ինչպես նաեւ Լոռու մարզից: Կենտրոնի առկայությունը Կողբում նոր շունչ է տալիս տարածաշրջանին ու նպաստում ստեղծարար պատանիների առաջխաղացմանը։
ԿՈՂԲԻ ԳԵՂԱՐՎԵՍՏԻ ԴՊՐՈՑ
ԼԻՆԵԼ ԱԶԱՏ ԻՆՉՊԵՍ ԲՆՈՒԹՅՈՒՆԸ, ՄԱՔՈՒՐ, ԽՈՐԸ, ԱԶՆԻՎ ԻՆՉՊԵՍ ԲՆՈՒԹՅՈՒՆԸ...
Կողբ համայնքի գեղարվեստի դպրոցը հիմնադրվել է 1999-ին՝ կողբեցի նկարիչ Կարո Ղուլիջանյանի նախաձեռնությամբ՝ նպատակ ունենալով Կողբում և շրջակա գյուղերում արթնացնել, աշխուժացնել մշակութային կյանքը, ստեղծել համապատասխան միջավայր, ի հայտ բերել և միավորել տարածաշրջանի շնորհալի երեխաներին և երիտասարդներին:
Դպրոցում ուսուցանում են գծանկարչություն, գունանկարչություն, կոմպոզիցիա, կարպետագործություն, փայտի փորագրություն, արվեստի պատմություն: Լինելով կրթամշակութային եւ գեղարվեստական զարգացման եզակի կենտրոն` գեղարվեստի դպրոցն արվեստի տարբեր բնագավառներում ընձեռում է ստեղծագործական աճի և մասնագիտական ուսուցման լայն հնարավորություններ ինչպես Կողբի, այնպես էլ հարակից բնակավայրերի երեխաների ու երիտասարդների համար:
«Գեղարվեստի դպրոց հաճախելը մեծ նշանակություն ունի ինձ համար, քանի որ ես այնտեղ գնում եմ ստանալու իմ ապագա մասնագիտության համար կարևոր գիտելիքներ:
Իմ առօրյան գեղարվեստի դպրոցը գեղեցկացնում է. օրվա ընթացքում նստել և նկարելը էսթետիկ հանգիստ է ինձ համար:
Գեղարվեստի դպրոցում ամեն ինչ հետաքրքիր է. մենք տարվա ընթացքում կազմակերպում ենք շատ միջոցառումներ, ցուցահանդեսներ, մեզ մոտ անընդհատ գալիս են նորանոր հետաքրքիր հյուրեր, որոնք ևս արվեստի հետ սերտ կապ ունեն: Տարվա ընթացքում կազմակերպում ենք տարբերվող ստեղծագործական դասեր, որոնք թույլ են տալիս աշակերտներին թարմանալ սովորական առօրյա դասերից»,- պատմում է Կողբի գեղարվեստի դպրոցի սան Անահիտ Անանյանը:
Լուսանկարները՝ «Կողբի գեղարվեստի դպրոց» ֆեյսբուքյան էջից
Իմ առօրյան գեղարվեստի դպրոցը գեղեցկացնում է. օրվա ընթացքում նստել և նկարելը էսթետիկ հանգիստ է ինձ համար:
Գեղարվեստի դպրոցում ամեն ինչ հետաքրքիր է. մենք տարվա ընթացքում կազմակերպում ենք շատ միջոցառումներ, ցուցահանդեսներ, մեզ մոտ անընդհատ գալիս են նորանոր հետաքրքիր հյուրեր, որոնք ևս արվեստի հետ սերտ կապ ունեն: Տարվա ընթացքում կազմակերպում ենք տարբերվող ստեղծագործական դասեր, որոնք թույլ են տալիս աշակերտներին թարմանալ սովորական առօրյա դասերից»,- պատմում է Կողբի գեղարվեստի դպրոցի սան Անահիտ Անանյանը:
Լուսանկարները՝ «Կողբի գեղարվեստի դպրոց» ֆեյսբուքյան էջից
ԿՈՂԲ ԹՎԱՅԻՆ ՍՏՈՒԴԻԱ
Կողբ թվային ստուդիայի նախապատրաստական աշխատանքները սկսվել են են 2021 թ., իսկ 2022թ. սկզբից մեկնարկել է առաջին պիլոտային ծրագիրը, որը տևել է 9ամիս։
«Հիմնական նպատակն է Նոյեմբերյան համայնքի 19 բնակավայրերի երիտասարդությանը տալ ժամանակակից թվային տեխնոլոգիաներին համապատասխան մասնագիտական կրթություն, օգնել իրացնել իրենց թվային արտադրանքն առցանց հարթակներում։ Ներգրավել թիմային, ստեղծագործ աշխատանքի մեջ։
«Հիմնական նպատակն է Նոյեմբերյան համայնքի 19 բնակավայրերի երիտասարդությանը տալ ժամանակակից թվային տեխնոլոգիաներին համապատասխան մասնագիտական կրթություն, օգնել իրացնել իրենց թվային արտադրանքն առցանց հարթակներում։ Ներգրավել թիմային, ստեղծագործ աշխատանքի մեջ։
«Պիլոտային ծրագրի շրջանակներում ունեցել ենք 12 մասնակիցներ, որոնցից երկուսն արդեն այդ բնագավառում դասընթացավար են աշխատում։ Չորս մասնակից գումար են վաստակում ֆրիլանսի միջոցով, ունենք մասնակիցներ որոնք իրենց հիմնական աշխատանքի հետ օգտագործում են այդ հմտությունները։ Հաջորդ խմբերն արդեն ներածական էին, ունեցել ենք ընդհանուր առմամբ մոտ 100 մասնակից, որոնցից ոմանք աշխատում են որպես ֆրիլանսերներ, դասընթացավարներ, ոմանք ԲՈՒՀ են ընդունվել մեր դասավանդման ուղղություններով»,- ասում է ստուդիայի համակարգող Արթուր Աղաբաբյանը:
Ստուդիայում այս պահին դասավանդում են եռաչափ մոդելավորում, գրաֆիկ դիզայն եւ լուսանկարչություն:
Ստուդիայում այս պահին դասավանդում են եռաչափ մոդելավորում, գրաֆիկ դիզայն եւ լուսանկարչություն:
«Հիմնական մարտահրավերը բարձրակարգ դասավանդող մասնագետների սակավություն է Երևանից 200 կմ հեռավորության վրա գտնվող համայնքում, ինչպես նաև ուսումնական պրոցեսին անհրաժեշտ տեխնիկան եւ ֆինանսները։ Մենք աշխատում ենք տեղում ձևավորել կրթական համակարգը և վերապատրաստել տեղի մասնագետներին մեր կրթական ծրագրին համապատասխան, որպեսզի ստիպված չլինենք Երևանից դասավանդողներ հրավիրել։ Մեզ տեխնիկապես եւ ֆինանսապես հովանավորում է «Կողբ» հիմնադրամը»,- նշում է Աղաբաբյանը` հավելելով, որ առաջիկայում, բացի կրթական ծրագրից նպատակ ունեն նաև հանրամատչելի և ժամանցային կոնտենտ ստեղծել ստուդիայի YouTube ալիքում:
Կողբ հիմնադրամ
«Կողբ հիմնադրամը» կարևոր դեր է խաղում համայնքի զարգացման եւ բարելավման գործում՝ ծավալելով բազմաթիվ ծրագրեր եւ նախաձեռնություններ։ Հիմնադրամի առաքելությունն է կրթական, մշակութային և սպորտային նախագծերի իրականացման միջոցով նպաստել կյանքի որակի բարելավմանը Հայաստանում։
«Կողբ» հիմնադրամի ջանքերով ամեն տարի գյուղում կազմակերպվում եւ մեծ շուքով նշվում է Վարդավառը: Վարդավառյան փառատոնը մշակույթի, արվեստի եւ արհեստի, զբոսաշրջության, համեղ ուտեստների ու լավ տրամադրության մասին է:
«Կողբ» հիմնադրամի ջանքերով ամեն տարի գյուղում կազմակերպվում եւ մեծ շուքով նշվում է Վարդավառը: Վարդավառյան փառատոնը մշակույթի, արվեստի եւ արհեստի, զբոսաշրջության, համեղ ուտեստների ու լավ տրամադրության մասին է:
Կողբն ունի 2 միջնակարգ դպրոց, 2 մանկապարտեզ, երաժշտական դպրոց, գեղարվեստի դպրոց, մշակույթի կենտրոն, պատմության թանգարան, բուժկետ։ 1920 թվականին Կողբում է կառուցվել առաջին գյուղական հիվանդանոցը:
Գյուղում ակտիվ է մշակութային կյանքը։ Մշակույթի կենտրոնում կազմակերպվում են ցերեկույթներ, տոնական, համերգային միջոցառումներ, մեծարման երեկոներ:
Մշակույթի կենտրոնում է գործում Կողբի պատմության թանգարանը, ինչպես նաև կենտրոնի կազմի մեջ մտնող 2 գրադարան։
Մշակույթի կենտրոնում է գործում Կողբի պատմության թանգարանը, ինչպես նաև կենտրոնի կազմի մեջ մտնող 2 գրադարան։
Ցանկացած զարգացում պահանջում է միտք, նվիրվածություն և ներդրումներ, որոնք կարող են փոխել իրավիճակը դեպի լավը: Կողբը հրաշալի օրինակ է, թե ինչպես փոքր համայնքները կարող են պահպանել իրենց ինքնությունը եւ զարգանալ:
