Ինչպե՞ս եք նպաստում արտագաղթի կանխմանը, քանի՞ աշխատող ունեք, նրանցից քանի՞սն են գյուղից:
Մենք պարզաապես ապրում ենք գյուղում, աշխատում, երեխային խնամում, փորձում մեր կյանքը հետաքրքիր անցկացնել և այս ամենը ես ցույց եմ տալիս իմ փոքրիկ բլոգում, շատերը ոգեշնչվում են, շատերը կարոտը առնում, շատերը գնահատում և մեզ հերոսացնում, չգիտեմ կարողանում ենք կանխել արտագաղթը, թե ոչ, բայց երբեմն, լսում ենք, որ որոշ մարդիկ մեր օրինակից ոգևորված տեղափոխվում են գյուղեր, կամ գոնե շարունակում են մնալ իրենց գյուղում:
Մեր գյուղ տեղափոխված առաջին օրվանից ամենից շատ ուրախացել ենք, երբ լսել ենք, որ այս հարցում գոնե մեկ հոգու մոտիվացրել ենք:
Հիմա տուրիզմից բացի զբաղվում ենք հացի արտադրությամբ և հացի փռում մեր գյուղից ունենք չորս հիմնական աշխատող, սա նույնպես փոքրիկ հաջողություն է մեզ համար:
